صدائے غازیؑ ایوارڈ

میں رب کریم کی عنایات کا جتنا بھی شکر ادا کروں کم ہے۔ بالخصوص ان عنایات کا جو دنیا میں بہت کم خوش نصیبوں کو نصیب ہوتی ہیں۔ ویسےتو گولڈ میڈل سمیت بے شمار دیگر ایوارڈز اور اعزازات رب کی مہربانی سے عطا ہوئے لیکن دو بڑے اہم اعزازات میری زندگی کا حاصل ہیں جو نہ صرف اس دنیا میں بلکہ دوسری دنیا میں بھی ان شااللہ کام دیں گے۔ 2011 میں خادم امام رضا علیہ السلام کا اعزاز پانے کے بعد 2024 میں حرم غازی عباس علیہ السلام کا تمغہ 'صدائے غازی' اور محافظ حرم کے اعزاز نے میری زندگی میں خیر و برکات کا راستہ کھول دیا۔ اور رب کی رحمتیں برسنے لگیں۔ میں اس قابل تو نہیں لیکن اللہ کی ان محبوب ہستیوں نے جو مجھ پر عنایات کی ہیں اس کا حق تو شاید ادا نہیں کرسکتا لیکن کوشش یہی ہے کہ رب کریم کی محبوب اوران پاک ہستیوں سمیت محمد و آل محمد کی تعلیمات پر جو کچھ ممکن ہو کام کرسکوں۔اور غازی باوفا کے ساتھ عملی طور پر وفا نبھا سکوں۔ اللہ پاک سے دعا ہے کہ مجھے ان نیک مقاصد میں کامیاب و کامران فرمائے۔ آمین یا رب العالمین